Ieu maitot !!!!

Rescontre montpelhierenc | Març 8, 2010

Benleu zo sabetz, me sei marcat a la famosa licéncia d’occitan de l’universitat de Montpelhier III. Fuguet fòrça complicat, fòrça long… e aura ai tot plen de trabalh de far !!!

Divendres passat, n’i aviá lo rescontre estudiant-professor. Sabes, coma au collegi, quand ta mair ‘nava veire lo prof de mate, la prof de francés e que tornavas maison la testa clafida de « Te fau trabalhar mai ! Surtiràs pus lo dissabde aprep-miegjorn ! Te vau paiar daus cors particulars ! ». E coma son daus cors per correpondéncia, sabes pas coma son los profs. T’imaginavas lo prof d’istòria, grand, blond, jòune, musclat. La prof d’occitan medeviau p’ita, redonda e vielha. La prof de practica de la lenga sexy, forçadament… N’i ‘gut quauquas suspresas e decepcions… Forçadament, t’aviás pas far tot los devers dau prumier semestre. Pas d’istòria, pas de dialectologia, pauc de literatura…

Lo rescontre fuguet riche de surpresas. La prumiera : sei lo mai jòune daus estudiants ! La segonda : trabalhe beucòp (oc-es qu’es lo prumier còp qu’un prof me ditz que trabalhe beucòp…). La tresesma : un prof dau departament d’occitan de l’universitat Montpelhier III se noirís essencialament de kebab e autre kefta. Quò me vai, la harissa quò me plai !!

Sabe pas si passaràn sus mon blògue (en fach espere que non…) mas voldriá mercejar los profs per lor acuelh, la discutida qu’avem ‘gut, la vesita de Montpelhier per los (enfin las) que m’an guidat dins ‘quela vila desconeguda. E sei plan content d’aver rescontrat los autres estudiants. Espere lo mes de junh per tornar veire tot queu pitit monde (e passar los examens maitot… mas finalament, sabe pas si qu’es lo mai important !!!).


Mandat dins amics,conarias,ieu,lenga

5 Comentaris »

  1. Lo mai jòune daus estudiants ? Tu ??? Ai un (pitit) dobte, tot parier…

    Comentari per Danís — Març 9, 2010 @ 1:43 del tantòst

  2. Daus estudiants de licéncia per correspondéncia ! Lo fau precisar.

    Comentari per Maime — Març 9, 2010 @ 9:53 del tantòst

  3. E òc, en « live » es plan diferent ! Sèm pas que dus de mai de vint ans dins mon cors ! Ieu, e un retirat ! 😀
    Arribas a trobar le temps de tot far le trabalh que te demanda la fac per tota una licéncia ! Ma sola UE en mai del chantièr, me fa pro ! Oo

    Comentari per Lutz — Març 10, 2010 @ 7:19 del matin

  4. Euh… Monsur Forest… Volia escriure « zo fau precisar » de segur… ai!.. Qu’es a causa de la proximitat de la L e de la Z sus mon clavier (ozbec lo clavier… coneissetz pas lo clavier ozbec ???)
    E be, me, ai dos semetres de far en un. Bon, ai pas totas las UE, nonmas las ente n’i a de l’occitan. Mas tot parier… Non, onestament, me’n suerte pas. Los profs disen de non, mas la reüssirai pas a ma prumiera annada… :-/

    Comentari per Maime — Març 10, 2010 @ 8:52 del tantòst

  5. Plan! E ben ara nos cal rescontrar entre los que son en E.A.D. e los que son en « live » – cossi se ditz – . Soi al Med’Oc e fasem una serada grilhada dimars de ser! Seria plan que i aja de mond.. !:) http://www.facebook.com/#!/event.php?eid=118100531556522&ref=ts
    Lo poton e a lèu lèu alara !

    Comentari per Clémentine — Mai 14, 2010 @ 5:14 del tantòst


Laissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Cambiar )

Google photo

You are commenting using your Google account. Log Out /  Cambiar )

Twitter picture

You are commenting using your Twitter account. Log Out /  Cambiar )

Facebook photo

You are commenting using your Facebook account. Log Out /  Cambiar )

Connecting to %s

%d bloggers like this: