Ieu maitot !!!!

L’istòria vertadierament veraia dau chihuahua vertadier | decembre 14, 2010

Aprep l’istòria vertadierament veraia dau cookie vertadier que nos contet Lutz, veiquí l’istòria vertadierament veraia dau chihuahua vertadier, que me contet lo Marçau.

L’i aviá un còp, dos aventuriers lemosins perduts en Nuòva Espanha, quand era pas enquera devenguda lo Mexic. Marchavan dins ‘na region desertica, sablosa, ente se junhen l’aigas de rius. Subran, vigueren un chin, tot pitit, lo piau plan cort, l’aurelhas grandas e drechas. Lo troberen plan minhard e l’adopteren. E lo chin los seguiá.

Pertant, un matin, era pus ‘quí . Lo ‘peleren. Lo chercheren. Pas mai de chin. Eran tristes. Decideren de contunhar sens se. Mas lor mancava. Quand rencontreren daus autoctònas, lor demanderen si avián pas vud lo chin. « Un pitit chin ! Un chin ! » Se fasiá pas compréner. « Chin ! Oà ! Oà ! » Un indian semblava calcular. Lor faguet signe de lo segre. E darrier un rochier, lo vigueren ! Era ‘quí ! « Chihuahua » lor disset l’indian en tut mostrar lo pitit animau. Eran plan contents e partigueren emb lor chin.

Veiquí coma queu pitit chin mexican prenguet un nom tipicament lemosin !

Advertisements

2 Comentaris »

  1. Me demandavi perqué aquest gosset mexican anava sens pèl, pauròt. Ara ai comprés, son de lemosins que l’an ‘pelat.

    Comentari per Joan Peiroton — decembre 14, 2010 @ 10:10 del tantòst

  2. Son los Espanhòus que evnguèren prenèr possecion dau país puèi, que retenguèren que los Indian disian tot lo temps « Chin ! Oà ! Oà ! » en mostrar la ròcha su quina avian dessenhat lo chinon de l’istòria. Dempuèi, sens tròp coneissèr l’anecdòta, ne’n balhèren tamben lo nom a l’estat que fai part dau Mexic uèi.
    Joan, se l’avian « sonat » queu paubre pitit chinon seria estat tuat 😉

    Comentari per Mars — Genièr 5, 2011 @ 2:01 del matin


Laissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s

%d bloggers like this: