Ieu maitot !!!!

Passion, Grace and Fire

Febrièr 27, 2014
1 comentari

Me rapele pus, coma, n’i a vint ans de temps, quela casseta ‘ribet dins ma chadena. Tres guitarras que boiravan jazz, flamenco e ròck. Tres guitarras que me fagueren raibar, que m’acompanheren la nuech, lo casque sus l’aurelhas, per m’endurmir.

L’ai surtida n’i a gaire, per me la tornar botar. E auei, la guitarra que de quela casseta me menet
d’acianta au país de mos aujòus, a la descuberta d’un bocin de lor cultura, s’es plantada au Mexic.

Lo flamenco l’ai descubert vertadierament mercés a Paco. Mercés a quela casseta.
L’aviá ‘chaptada per lo jazz, probablament. Benleu per auvir McLaughlin. Mas la descuberta fuguet essenciala.
Una musica essenciala, essenciala a ma vita, tant coma lo jazz o las musicas afrocaribas.

Advertisements

Mandat dins ieu,musica

Lo poleton piu

Febrièr 15, 2013
Daissar un comentari

Benleu coneisses desjà queu grand succès que fuguet numero un en Itàlia l’estiu passat. Una comptina per los pitits que lo meu adòra : Pulcino pio. Exista en italian de segur, mas tanben (per òrdre alfabetic) : alemand, anglés, catalan, castelhan, francés, grec, neerlandés, portugés. Te balhe doas versions, la francesa mai la catalana, que siràn, me sembla, las mai apropriadas per mos lectors.

 

 

Manca la version occitana. Adonc, te prepause lo texte en occitan lemosin (revirada de l’originau italian) emb la video instrumentala per que te la pueschas chantar ! E si quauqu’un a lo coratge (o la folia) de l’enregistrar, la publiarai aquì. De segur, lo chantaire podrà gardar l’anonimat !

 

 

A la ràdio, n’i a un poleton, a la ràdio, n’i a un poleton…
E lo poleton piu, e lo poleton piu, e lo poleton piu, e lo poleton piu, elo poleton piu, e lo poleton piu…

A la ràdio, n’i a ‘na pola, a la ràdio, n’i a ‘na pola…
E la pola còò, e lo poleton piu, e lo poleton piu, e lo poleton piu, e lo poleton piu,e lo poleton piu…

A la ràdio, n’i a maitot un jau, a la ràdio, n’i a maitot un jau
E lo jau cacaracà, e la pola còò, e lo poleton piu, e lo poleton piu, e lo poleton piu, e lo poleton piu…

A la ràdio, n’i a ‘na dinda, a la ràdio, n’i a ‘na dinda…
E la dinda glogloglo, e lo jau cacaracà, e la pola còò, e lo poleton piu, e lo poleton piu, e lo poleton piu…

A la ràdio, n’i a un pijon, a la ràdio, n’i a un pijon…
E lo pijon roo, e la dinda glogloglo, e lo jau cacaracà, e la pola còò, e lo poleton piu, e lo poleton piu, e lo poleton piu, e lo poleton piu…

A la ràdio, n’i a maitot un chat, a la radio n’i a maitot un chat…
E lo chat miao, e lo pijon roo, e la dinda glogloglo, e lo jau cacaracà, e la pola còò, e lo poleton piu, e lo poleton piu, e lo poleton piu…

A la ràdio, n’i a maitot un chin, a la ràdio n’i a maitot un chin…
E lo chin bau bau, lo chat miao, e lo pijon roo, e la dinda glogloglo, e lo jau cacaracà, e la pola còò, e lo poleton piu, e lo poleton piu, e lo poleton piu, e lo poleton piu…

A la ràdio, n’i a un chabra, a la ràdio, n’i a un chabra…
E la chabra mee, lo chin bau bau, lo chat miao, e lo pijon roo, e la dinda glogloglo, e lo jau cacaracà, e la pola còò, e lo poleton piu, e lo poleton piu, e lo poleton piu…

A la ràdio, n’i a un anheu, a la ràdio n’i a un anheu…
E l’anheu bee, la chabra mee, lo chin bau bau, lo chat miao, e lo pijon roo, e la dinda glogloglo, e lo jau cacaracà, e la pola còò, e lo poleton piu, e lo poleton piu, e lo poleton piu, e lo poleton piu…

A la ràdio, n’i a ‘na vacha, a la ràdio, n’i a ‘na vacha
E la vacha mòò, e l’anheu bee, la chabra mee, lo chin bau bau, lo chat miao, e lo pijon roo, e la dinda glogloglo, e lo jau cacaracà, e la pola còò, e lo poleton piu, e lo poleton piu, e lo poleton piu, e lo poleton piu, e lo poleton piu…

A la ràdio, n’i a maitot un buòu, a la ràdio, n’i a maitot un buòu…
E lo buòu moo, e la vacha mòò, e l’anheu bee, la chabra mee, lo chin bau bau, lo chat miao, e lo pijon roo, e la dinda glogloglo, e lo jau cacaracà, e la pola còò, e lo poleton piu, e lo poleton piu, e lo poleton piu, e lo poleton piu…

A la ràdio, n’i a un tractor, a la ràdio, n’i a un tractor…
E lo tractor brom, e lo tractor brom, e lo tractor brom, e lo poleton… (fla) ò ò !


Mandat dins conarias,musica,video

Esperança

Genièr 29, 2013
Daissar un comentari

Veiquí una video musicala ente se pòt auvir l’Alidé Sans, la jòuna chantaira aranesa, que faguet una entrevuda dins la Setmana. Quela chançon es una inciativa dau Conselh Generau d’Aran per sensibilizar a las violéncias fachas a las femnas. Una sensibilizacion en direccion de la jounessa, dau hip-hop per parlar d’un problema daus greus chantat per la Shhnh Crew e Alidé Sans dins mai d’una lenga parlada en Espanha : occitan aranés, catalan, castelhan e galhèc.


Mandat dins musica,revolucion,video

Abnoba

Genièr 26, 2013
Daissar un comentari

Tòrne après una annada d’abséncia sus queu blòg. Tòrne emb una video musicala que sirà segurament la prumiera d’una lista plan lonja. Lo grop sus quela video es Abnoba. Lo descubriguei sus lo « blòc nòtas » de 2010 editat per l’espaci occitan e la region Piemont en Italia e que presenta las associacions culturalas e los grops musicaus occitans de la Valadas.

Abnoba es un grop que juega de la musica tradicionala d’Euròpa occidentala (e pas nonmàs occitana) en tut li apondre dau jazz, reggae, funk e de l’improvizacion. E que tròbe çò que fan plan interessant. A te, lector, de me dire çò que tu ne’n pensas.


Mandat dins musica,video

Fai la rota

Auei qu’es la surtida de pertot en França de Cooperativa de Mauresca Fracàs Dub. Mai de lor darriera video !! Fai la rota !!!


Mandat dins musica,video

La fanfare des Goulamas !

Febrièr 6, 2011
1 comentari

‘Na p’ita video musicala daus amics de la garriga… Los tròbe un pauc grands, los barbotins de la garriga, tot-parier…

http://www.dailymotion.com/swf/video/xgq60f?width=&theme=none&foreground=%23F7FFFD&highlight=%23FFC300&background=%23171D1B&start=&animatedTitle=&iframe=0&additionalInfos=0&autoPlay=0&hideInfos=0

LA FANFARE DES GOULAMAS
mandat per lacrouze.


Mandat dins amics,musica,video

Lo Turlututu

Març 26, 2010
2 Comentaris

Per lo Jan-Peire, lo Turlututu, l’imne lemosin, au grand teatre de Limòtges. Merces a un filh de loira de goiat dau Peirigòrd que viu en Bearn per la video !

Lo chabretaire es lo Gaëtan Polteau, professor de chabreta au conservatòri de Limòtges (seccion musica tradicionala de segur).


Mandat dins amics,musica,video

L’adversité – La Fanfa

Vos aviá parlat de la Fanfa, lo grope de ska dau cosin de ma mia. Eran de far ‘na video. L’Elise, la bassista, m’a laissat un messatge per me dire qu’es ‘chabada. Vei-la-quí !! Quò peta !


Mandat dins amics,musica,video

Nique la France !

Febrièr 2, 2010
Daissar un comentari

Oc-es… Nique la France que pensa que lo colonialisme a ‘gut un ròtle positiu, Nique la France que confond identitat nacionala e islam, Nique la France que pensa que n’i daus problemas quand son mai d’un (qui? los arabes ? nooonnn… los auvernhats de segur…), Nique la France que te demanda de provar que tu ses francés quand tu vòles tornar far ta carta d’identitat, Nique la France qu’expulsa los jòunes estrangiers iregulars lo jorn de lor 18 ans (e tant pieg per lors estudis), Nique la France que coneis pas la diversitat de son pòple, Nique la France en guerra en Afganistan per los interets americans, … ‘Na brava video de la Zone d’Expression Populaire.

http://www.dailymotion.com/swf/xbz3sp

NIQUE LA FRANCE (Le clip)
envoyé par zep_zep. – Clip, interview et concert.

Per los que parlen par francés : Nique la France vòu dire Fuck France !


Mandat dins musica,revolucion,video

Salsa verda

decembre 11, 2009
2 Comentaris

Qu’era a l’Estivada 2008. Lo concert de Sol i Serena. Un moment magic. Sei tombat amorós : dau grope e de lor musica, dau pandero carrat, de la contrabassista. Finalament, ‘chaptei lo CD « Grapat de ruda », ai ‘gut un poton de la bruneta e trobei un an apres un pandero carrat au festenau de Saint-Chartier (emb un cors privat fach per una brava asturiana).

Veiquí la video de Salsa verda (sus Grapat de ruda), facha en dos jorns, dins l’urgéncia. ‘Na brava reüssita.


Mandat dins musica,video
Pagina seguenta »